Povera  Cuncetta!..
l'anu jettatu a nnomina e Civetta!
Nu  pocu si l'ammierite,ma pu  Civetta,e'troppu!
E' perchi,quannu camine,e tu li si d'arriedi
move le belle natiche,e te guodi,
ogni tantu si vote e ti sorride
ccu chilla vucca bella e adornata
e labbre russe  e dienti yanchi
e avoriu finu chi lu risu u fanu
a pizzu!
Illa sa ca tu li si  de sieguo
e chissu e' lu modu suu e ti parrare
ca ppe lla via discorsu un si po'fare
e sta a tia natra  via truvare.
A gonna e' longa ,sciota, a mezza gamma,
m,' illa cu lla  manu a ntuzze e tantu ntantu
ppe  mustrare u jancu chi s'ammucce
subb u jinuocchiu!
Si tu la vidi alla processione,
illa e' ntru mmienzu e atre giuvanelle
cumu na regginella;ma alla modestia
ch'ill u'occhi bielli nun su abituati
e ti vide o luntanu o ntra na fulla
chille pupille t'anu furminatu.
Si passi ppe lla via e da casa sua,
illa e' cumu na  bandiera allu barcune,
ca ci a' nnu specchiciellu arriedi i  vitri
e scorge a cchiu e trecientu metri  
a tiampu e s'affacciare e fare a rota
ccu killa vesta e yuri  decorata
s 'azi     (,e ppecchi no?!)ntiempu n'occhiata,
tu  ti fa russu mfacce ed illa trase.
  A vote quannu sposte ntru barcune
i fierri si li fa de  postigliuni
li strisce ntra le gamme cu mozione
pu si ncrapicce e fujie
dice ca c'e' mo ncunu allu purtune.
Atri vizii un ci nn'a la povarella,
e' pura'obediente,quatrarella
iu lu sacciu,ca nui simu vicini
a stessa eta e tuttu si cunfide!.,               

Clicca qui e leggi l'elenco dei soprannomi e (difiatti) inviato da Luigi Perri dal Canada